SY: 一瓶面膜九大功效?! @ syau的部落格

今次介紹的產品簡直係"未試用，先興奮"! 皆因係佢對混合性皮膚、暗瘡性皮膚、甚至玫瑰痤瘡都好有功效!
先簡介佢的九大功效：

深層清潔 (幫肌膚排毒)
收縮毛孔
減少黑頭粉刺
淡化痘印
輪廓提升
修復受損肌膚
減淡細紋及皺紋
促進皮膚新陳代謝
提升肌膚光澤

究竟邊個品牌咁勁呢？好，係時候揭開佢神秘的面紗了。品牌: Cellilux (加拿大品牌)產品名： Glacial Mineral Gel (60g)
(咪睇佢叫Gel, 其實佢係一款礦物泥面膜，但係因為好似啫喱咁易推。所以，品牌特別幫佢改左嗰名叫Gel)產品生產地：加拿大

產品特色：無人做香料、無Paraben(苯甲酸;Paraben在護膚品中防腐劑)

主要成份：Canadian Golloidal Clay (Glacial Clay; 冰川泥), Glacial Mineral Water (冰川礦物水), Glycerine(甘油), Euterpe Oleracea (organic acai) fruit extract 有機巴西莓萃取物, Camellia Sinensis (organic green tea) leaf extract (綠茶萃取物), Lavandula Augustifolia (lavendaer) Oil 薰衣草油, Citrus Aurantium Dulcias (orange) fragrance Caprylyl Glycol, Iodopropynyl Butycarbamate, Phenoxyethanol

用法：洗乾淨及抺乾面和頸後，搽適量的面膜(能遮蓋毛孔的厚度即可)到面和頸上。上面時，頭3分鐘會有啲"吉吉地"的感覺，之後感覺會慢慢減淡。面膜敷10-15分鐘左右後洗去。油性皮膚每週3次，乾性皮膚每週2次，暗瘡性皮膚可每2日一次。具品牌所講，對玫瑰痤瘡性皮膚都有效，可減低敏感症狀。

產品包裝暫冇中文說明，包裝盒附帶一支小匙。可惜，小匙唔可以收入樽蓋裏面，冇咁方便。

開蓋後，大家可以見到烏卒卒的泥。因為佢含水量都好高，所以好易推，好易上面。(寫呢篇試用文時，我已經用左6成左右!)

我今次有意先搽面部下半部份俾大家睇，5分鐘後，我再搽上半部份。大家可以睇5分鐘左右，下半部份面膜已經乾得七七八八。面膜的含水量都真係好高。我以前都試過一啲礦物泥面膜，以前果啲係難乾啲。跟住，我試過敷近眼部位置，完全冇問題。敷上面膜頭幾分鐘左右，會有啲冰涼感，跟住就係"吉吉地"感覺，之後係有少少刺熱感，然後感覺慢慢變得淡。皮膚會俾啲泥啜住，收緊皮膚。

以下呢幅係我左邊面未敷面膜前的全相，面頰後又啲暗瘡印。

敷完面膜後，皮膚係粉嫩左同有光澤左，皮膚冇咁暗啞。

然後，請睇我右邊面(未敷面膜前)，在太陽穴到有一粒好深色的暗瘡印，面頰位置同樣都有暗瘡印。

敷左面膜後，我太陽穴的暗瘡印係好明顯地淡左，同左邊面一樣膚都係粉嫩左同有光澤左。

而咁明顯的清潔效果同淡化效果係因為冰川礦物泥裏面含有大量的負離子，負離子好似一個強力的磁石咁將面部污漕嘢吸出黎。同時，負離子亦會中和游離基，減慢皮膚衰老過程。我自己平時約4-5日用一次，如果係皮膚比較污漕時，我會勤力啲，每3日敷1次。宜加我期待緊呢款產品幫我減淡暗瘡印及收細毛孔。當然，我會用繼續用佢，睇下佢仲可以俾到啲咩驚喜俾我。產品好用程度係90分(100分滿分)，仲有10分扣左在Packing同小匙擺放問題度。個人來講，我極力推介俾一啲皮膚好似我咁的朋友，因為 It really works.