syau的部落格

今次我都唔多賣關子喇!我今次試的是以下兩款的BB Cream。

1. CNP Laboratory B.B.B Cream (01 號）亮膚色
2. Zymogen Face Cover BB Cream

兩款產品均來至韓國，CNP Laboratory呢個品牌我係喺上年Cosmoprof 認識的，手頭上的呢支BB Cream係韓國版並且係15ml裝。CNP Laboratory B.B.B Cream 係呢個品牌的皇牌產品之一，呢款BB Cream 有兩隻色，01色係亮膚色，02色係自然色。

CNP Laboratory B.B.B Cream，原本為接受完醫學美容療程而製的， 特別加入 Skin Barrier 的功能，能有效舒緩敏感並促進受損肌膚修復再生。有做開激光療程的Sis, 當皮膚仲係比較脆弱及薄弱的時候，可以搽呢款BB Cream保護皮膚！佢係獲得食藥廳認證3種功效，美白、抗皺、防曬。

CNP Laboratory B.B.B Cream有SPF46及PA++。即係佢大概460分鐘(SPF 46 x 10 mins)的防曬，記住SPF只係針對UVB(UVB 係會曬傷皮膚)，而PA係用於量度抵禦UVA的能力 (UVA係會令皮膚老化)。PA++係中度防UVA的意思，PA+++係最高程度的防UVA指標。呢個品牌宜加可以在屈臣氏有得賣，HKD398/30ml

Zymogen BB Cream 含有濟洲島火山石的礦物成分。此外，佢的品牌特色係產品均採用經發酵過的天然成份製造。講番濟洲島火山石的礦物成分，Scoria, 佢有效地吸收皮膚廢物，令毛孔暢通。並且，佢有抗菌的作用，所以佢可以防止因細菌引起的粉刺。所以，油性皮膚的Sis都適用的。邊度有得賣？在賣韓國護膚品的網店度有得賣！

我今次要測試的係BB Cream的顏色，同埋我搽左BB Cream之後的皮膚出油情況。

左邊幅相係我冇搽BB Cream 的樣，右邊幅相係我有搽BB Cream 的樣！

但係，大家睇唔得睇得出有搽BB Cream的果張相有咩特別。答案係我的左邊面係搽左CNP Laboratory B.B.B Cream，右邊面係搽左 Zymogen BB Cream。好明顯地，CNP Laboratory B.B.B Cream的顏色係比Zymogen BB Cream 係偏白的，光澤感強啲。

如果上面睇得唔清楚，大家可以睇下在手上的效果。

其實搽BB Cream 最好用手指，指腹更佳。指腹温度同皮膚相似，用手指搽會貼服！咁究意點解會係用指腹會好過用掃呢？用掃唔係均勻啲咩？如果以我個人的認知黎解釋，BB Cream所含的油分比較多，油的特質係温度越低，油就會變固態，温度越高，油就會變液態。所以，手指的温度令油分變得柔滑更容易推開。至於係真定係假，大家可以嘗試下找答案啊！

大家可以分別睇下我搽呢兩款BB Cream的Before及After 相：

CNP Laboratory B.B.B Cream Before & After 比較

Zymogen BB Cream  Before & After 比較

睇完兩組相，睇得到分別嗎？CNP Laboratory B.B.B Cream的顏色係比Zymogen BB Cream 係偏白的，光澤感強啲! 你試同嗎？

好啦，搽完BB Cream經過6~7個鐘之後，我兩邊面的出油情況係點呢？Zymogen 果邊面的出油情況係多過另外一邊面的。呢個測試可以顯示出，Zymogen BB Cream的油分係比CNP BB Cream 為多。同埋，Zymogen BB Cream質地係厚啲。

香味方面，CNP 有少少酸酸地的香味，Zymogen 都係有少少的香味(但係香味好快走)。雖然，我個人唔係好鍾意CNP的香味，但係喺比較起兩者的顏色及質地兩方面。我覺得CNP係優勝啲，係比較適合我多啲的！

最後，附上自拍一張，想話俾大家知，加啲心思令到自己靚啲其實可以好簡單！同埋，笑容係最好的美容聖品！